Baxe Nafarroko Txalaparta Taldea

KALAKAN diskaren aurkezpena Gazteizen

2010-12-17T09:02:00.006+01:00

Abendoaren 18an Gazteizko Gaztetxean, gaueko 10etan, Kalakan taldeak bere diska berria aurkeztu du Txalamakok gomitaturik urtero antolatzen duten txalaparta maratoian.

Izpegiko 4. txalaparta topaketa

2010-09-27T11:01:00.005+02:00

Aurten ere, gaitzeko eguna pasatu dugu, Ipotx txalapartari lagunaren argazkiek erakusten duten gisan.

BTT Alpbarock Euskal Herrian

2010-01-28T11:17:00.006+01:00

Huna hemen Kanaldudek egin bideoa... BTTko (Thierry eta Paxkal) + Karlos Subijanak txalapartariak parte hartu zuten zuten proiektu musikal huntan Suiziar eta Euskaldun musikaren trukaketa bat proposatzeko...

Izpegiko 3. txalaparta topaketa

2009-11-24T00:05:00.003+01:00

Aurtengo txalaparta topaketa biziki untsa iragan da.

Goizean, 10 presunek Ttirritt-ekin Izpegitik elorrietako leporat joan ziren.
Han, txalapartaren soinuak behorren xilintxen oihartzunekin nahasi ziren.

Arratsaldez, Paxkal Indo-k taloak egin zituen eta egiazko topaketa hasi zen txalaparten inguruan.
Sarako Zalapartaka taldearen ezagutza egin ginuen.
Eta oihanean, adarren doinuak entzun eta xorieri buruzko bi kantu eskaini zizkigun Erramun Martikorenak.
Txalapartariek bururatu zuten topaketa... Saratarrak, Donostiarrak, Baztandarrak eta besteak...

Txalaparta gurekin ikasteko

2009-11-22T20:32:00.002+01:00

Asteazken guziz Larzabaleko kolegioan biltzen gira txalaparta ikasteko eta lantzeko.
Ongi etorria zira nahi baduzu entsegu bat egin, urririk da. Gurekin harremanetan sar zaitez
Txalaparta ikasteaz gain soundpainting teknika baliatzen dugu musika egiteko eta gure artean jostatzeko.

Bestalde, Paxkal eta Ttirritt-ek ikastaldiak egiten dituzte urtean zehar. Parte hartzaileek ikastaldia ordaindu behar dute edo egitura bati ordainarazi. Adibidez, joan den udako Urepeleko euskara ikastaldian agertu dira biak AEK-ak manaturik.

Hiri haut !

2009-11-22T20:31:00.006+01:00

2009ko Urtarrilan Gasteizko txalaparta maratoian ikusgarri bat eskaini genuen, palatxarta alde zaharreko ezker paretan probatuz eta soundpainting teknika baliatuz gaztetxean.
Ondotik, Hartzaro festibalean ikusgarri horretatik idei batzuk baliatuz, ihauterien mamia jorratu ginuen, ihauterien espiritua defendituz.
Ergelkeri hutsa izan zen bainan gozatu ginuen... publikoak aldiz beldurtu zen eta plaza hustu ginuen, abilak guk !

Txalapartranse

2009-11-22T20:30:00.004+01:00

Neguko gau hotz batez Zestaon jotzen den txalaparta eta musika elektronikoaren arteko nahasketa berezia gehiago barnatu ginuen.

Oso berezia izan zen bainan Ttirritt salbu, aski kontent egon ginen.

Bihar Herri festibala

2009-11-22T19:35:00.004+01:00

2008ko Bihar Herri festibalean Biarritzen A Batucada Boum taldearekin inprobisatu ginuen.

Urretxuko txalaparta festa

2009-10-20T21:11:00.007+02:00

Baxe Nafarroko Txalaparta taldea osatzen dugun BTT (Baigorriko txalaparta taldea) eta Kirikittun-ek (Amikuzeko txalaparta taldea) Urretxuko txalaparta festan jo ginuen 2008ko irailan.

Izpegiko 2. txalaparta topaketa

2009-10-20T21:10:00.004+02:00

2008ko txalaparta topaketan Alain bretaindar lagunak argazkiak hartu zituen.

Arraiozko jaiak

2009-09-18T09:33:00.025+02:00

Arraiozko bestetan bildu ginen Baztandarrekin, Izpegiko Txalaparta Festa antolatzeko, eta aukera baliatu ginuen eliza arkupean jotzeko. Hemen Kirikittun Amikuztarrak.

Donostiko Gros auzoko jaiak

2009-09-18T09:33:00.023+02:00

Zozoak egin ginituen Donostiko Gros auzoko jaien denboran.

Egun horretan ikasi ginuen gure jotzeko manera behar ginuela moldatu entzuleak nahi baginituen hurbilarazi.

22. Hernaniko Txalaparta festa

2009-09-18T09:32:00.021+02:00

Kirikittun taldeak Hernaniko Txalaparta festaren 22. edizioan parte hartu zuen Paxkal Indorekin batera.

Dongadunak

2009-09-18T09:32:00.019+02:00

Gasteizko txalaparta maratoian "Dongadunak" izeneko ikusgarria eman ginuen 2008ko urtarrilaren 3an.
Ikuskizuna bertso batekin hasten zen, xiberoko pastoralen doinu ezagunarekin.

Bat, Bertzea, Biak

Gau on jaun andere onak

Denak txalapartariak

Zoin trebe zi(re)zten lagunak

Guk iparraldeko (o)nenak

Baxe Nabarra hor dela

Ongi (er)representatia

Garazi Amikuze ta

Baigorriko eskualdea

Xiberutarren moduan

Dugu ireki gaurkoan

Pastoralako doinuan

Lau orduz girelakoan

Zoin ongi den gaztetxea

Hortarako baliatzea

Musika ta txalaparta

Goraipatzeko Eskuara

Zer debru e(g)iterat jina

Baliatuz ttun ttun txirula

Entzun a(ra)ziz gure boza

Eskaintzera predikua

Zer ote den predikua ?

ongi uler dezatela

Eginen du(gu)ia otoitza ?

Apez txalapartaria ?

Zer ote da txalaparta

Mitoa bilakatua

Xinbaletak baizik eta

makila taulak arruntak

Elizan ere badela

Koro erdian mahaina

Mitoa den aldarea

Ta apez kalakaria

Bainan zer debru kopeta

Zoin itsusiz mintzo zira

Eta otoi errespeta

Giristinoak ta apeza

Bakoitxak bere eliza

Hiri kristo ta otoitza

Guk ere baditugula

Txalaparta ta euskara

Ezer ez errespetatzen

Hala duzue ikasten

Punky militantziaren

Ondorioa dugu hemen

Txalaparta tresna dugu

Guk ahanzteaz salbatu

Aspaldi ginuke galdu

Hortan sinetsi ez bagenu

Ez dut na(h)i mito berririk

Bede(re)n zuk inposaturik

Buruan aski ametsik

Baitut zu ederragorik.

Ezkilak dautzu erranen

Benetan nun ote giren

Inguruan entzuten den

Jaungoikoaren boza hemen

Herrian ez dela nihun

Jauna gabe tokirik hun

Gaztetxea nahiko ilun

Debru toki da ezagun

Meza nahi baduzu egin

Bota otoitz kantuekin

Gazteizko gazteria(re)kin

Mito berri bat eragin

Txalapartaz ez gaitezen

Trufa behin ere hemen

Ez eta Jaungoikoaren

Izena zikindu hemen

Hor dagoen gazteria

Ez da dioten artaldea

Zintzarre lepoan eta

So e(g)iten nunbait xakurra

Hemengo jendea bizi da

Eskualde guzieta(r)ik jina

Errexki derautzugula

Hil artino biziko da…

Txalapartaren izana bi presuneri lotua da, bi presuneri baizik ?
Horra txalaparta interaktiboa : txalaparta birtuala eta ondotik, publikoarekin jotzen dena.

Zintzarradaren ondotik txalaparta oso lasaia jo ginuen eta berotu ginuen berriz baserritukadarekin.

Ezberdinak gira bainan ber komunitatekoak gira.
Dongadunen komunitatekoak gira... errituala ezberdinak ditugu eta horietan "dong errituala" (ezkila, joareak, etab...) : biltzen duen "dong"a (indar zentrifugoa) eta aldi berean urrutzen duena (indar zentripetua).
Txalaparta beste "dong" bat dea ?

2007ko Azkaingo Pastore Lore

2009-09-18T09:31:00.013+02:00

Azkainen urtean behin pottokak menditik jaustarazten dituzte eta Pastore Lore izeneko besta antolatzen.
2007ko edizioan BTTko Paxkal Indo eta Kirikittun taldeko Paskal Barneixek parte hartu zuten.

Izpegiko lehen txalaparta topaketa

2009-09-14T15:15:00.010+02:00

2007ko Irailaren 2an abiatu ginuen Izpegiko lehen txalaparta topaketa.
Baztango txalapartari lagunak bildu ziren Izpegiko lepoan gurekin eta egun gaitza pasatu ginuen elgarrekin.
Kirikittun taldearen argazki bakar bat dugu egun horren aurkezpena egiteko.
Agian beste lagun batek beste batzuk bidaliko dizkigu.

A chene ouvert

2009-09-12T18:19:00.024+02:00

Paxkal Indo eta Kirikittun taldeak dantzari garaikide batzuen koregrafien gainetik inprobisatu zuten Jesus Aured esku soinulariarekin. Dantzariek Romane Z zizelkariaren lan baten inguruan dantzatu zuten eta lau putikoak jostatu ziren.

A chêne ouvert
envoyé par romane-z. - Regardez plus de courts métrages.

A chêne ouvert2
envoyé par romane-z. - Films courts et animations.

Kirikittun

2009-09-08T09:18:00.014+02:00

Kirikittun Amikuze eskualdeko gazte batzuek osatutako txalaparta taldea da.

Paskal, Mathieu eta Laurent doi bat herabe baldin badira, musikari langileak dira eta txalaparta edozoin tokitan jotzeko prest dira.

2007ko Gasteizko txalaparta maratoia

2009-09-08T08:51:00.012+02:00

2007ko Gasteizko txalaparta maratoian Paxkal eta Ttirritt ostatu batean agertu ziren kantari eta txalapartari. Txalamako taldearekin sortu harremana polliki abiatu zen.

20. Txalaparta festa

2009-09-07T21:02:00.014+02:00

2006ko maiatzaren 20an Hernaniko Txalaparta festan parte hartu ginuen.
Lehen aldia zen Donapaleuko ikasleak taula gainean agertzen zirela.

2002ko Eltzarruze eguna

2009-09-07T21:01:00.016+02:00

Donamartiri aldean den Eltzarruze mendi eskualdearen zaintzeko elkarteak Eltzarruze Egunak antolatzen ditu urte guziz, maiatz hastapenean, "Ingurumena zaindu" lelopean. Mendi ibilaldia alaitzen dute musikariek, kantariek eta kondalariek.
Horien artean, Ttirritt-ek parte hartu zuen Paxkalinekin batera.

2002ko Eltzarruze eguna